Die Grafschaft Bentheim im Unterricht

Plattdeutsche Texte

  

  Sünderkloas

Wenn eene kump ut 'ne annere Gegend

watt wett so'n Mann van Sünderkloas?

De denkt: Is dat 'n groten Sünder?

Is et 'n kloaß, es et 'n Hoas?

Wi in de Groafschup kennt em better:
Wenn't sachies no Dezember geht,
könnt all de Kinder nich mehr slopen,
föär Niejschier en för Bliedigkeit.

Se sacht den oulden Schimmelrieder
all in Gedanken kommen an.
He brenk er Nötten, Appel, Kooken,
en noch mehr brenk de gude Mann.

En oavens goaht de Lö hen dobbeln.
Wat kost, dat kost, versökt dat Glück.
Un kummt noa Hus met Honnigkoken,
met Sünderklößies vull den Tück.

En könnt dann wecke nich völl smieten,

wordt argerlik dann immer mehr, 

datt giff Pleseer dann för de andern,

dann fleegt de Witze hen un her.

Un altied harr wi in Dezember

noch ieder Joahr den sölven Spoaß.

So was et un so sall et bliewen,

joa, wi holt fast an Sünderkloas.

Carl van der Linde